Neymar videomurojaat orqali "Barselona" bilan xayrlashdi (video)

"Bugungi kun uchun matn tayyorladim. Sportchining hayoti chaqiruvlardan iborat. Ularning bazilariga oson erishamiz, qolgani esa qarorlarimizdan kelib chiqadi. Ular hayotimizni yorqinlashtiradi, ammo faoliyatimiz qisqa. "Barselona" men uchun chaqiruvdan ham ko'proq edi. Bu videoo'yinda yulduzlar bilan o'ynagan bolakayning orzusi bo'lgan.

21 yoshimda Kataloniyaga keldim. Klubdagi ilk kunlarimni, Messi, Valdes, Xavi, Inesta, Puyol, Buskest va boshqa yulduzlar bilan bir kiyinishxonasida bo'lganimni haligacha esalayman. Klubdan ko'ra kattaroq bo'lgan jamoada o'ynash uchun navbatimni kutganman.

Menda o'zim ko'rgan eng yaxshi sportchilar bilan to'p tepish imkoniyat bo'ldi. Hayotimda Messidan yaxshirog'ini uchratmasligim aniq. U maydonda va uning tashqarisida menga do'st bo'ldi. Lionel va SUares bilan birga erishish mumkin bo'lgan barcha sovrinni qo'lga kiritgan trioga aylandik. Biz unutilmas onlarni boshdan kechirdik. Men shahardan ko'ra kattaroq bo'lgan joyda yashadim. Barselona vatanimga aylandi. Barselona va Kataloniyani yaxshi ko'raman.

Biroq menga har qanday sportchi kabi chaqiruvlar kerak. Hayotimda ikkinchi marotaba otamning qaroriga qarshi chiqdim. Dada, sizni tushunaman va fikringizni hurmat qilaman, ammo o'z qarorimni qabul qildim va meni doimgidek qo'llab-quvvatlashingizni istayman. "Barselona" va Kataloniya doimo qalbimda qoladi, ammo menga yangi chaqiruvlar kerak. Yangi cho'qqilarni egallash va klubga sovrinlar yutish uchun PSJ taklifini qabul qildim.

"Barselona"ning ajoyib muxlislariga, birgalikdagi o'yinlarimizda ko'p narsa o'rgangan jamoadoshlarimga minnatdorchilik bildiraman. Endi ketish vaqti kelganini yuragimdan his qildim. PSJ yaqin bir necha yil ichida mening yangi uyimga aylanadi. Ishonchni oqlash uchun ter to'kib ishlayman. Muxlislar, do'stlarim, hayotimda yordam bergan professionallarning qo'llab-quvvatlashiga umid qilaman. Bu juda qiyin qaror, ammo uni qabul qildim" - deydi Neymar.