Sanjar Rihsiboev: "Mashal" bilan og'zaki kelishuvga erishgan edim, ammo..."

Rihsiboev ikkinchi davraga tayyorgarlikni "Olmaliq" klubi bilan davom ettirmoqda. Yarim himoyachi tayyorgarlik haqida fikr bildirdi.

"Olmaliq" jamoasi bilan yig'in alo darajada o'tdi. Mashg'ulotlarda asosan jismoniy holatimizga etibor qaratdik. "Obod" jamoasini o'zinglar yaxshi bilasizlar birinchi davra yakunlanganidan so'ng jamoaning taqdiri so'roq ostida qoldi. Qishda "Olmaliq" klubi menga qiziqayotgandi, ammo "Obod" meni qo'yib yubormagan edi. O'shanda tomonlar o'zaro kelisha olishmagandi. Hozir esa vaziyat o'zgardi. Ikkinchi davrani "Olmaliq" tarkibida boshlayman. Oldimda boshqa variant ham bor edi. Lekin ular orasidan ko'proq "Olmaliq" taklifi yoqdi. "Olmaliq"ga kelishimdan avval Muborakning "Mashal" klubi bilan og'zagi kelishuvga erishgandim. Lekin "konchilar" menga taklif bilan chiqqandan so'ng fikrim o'zgardi va "Olmaliq" klubiga ko'chib o'tdim. Viktor Kumikov kuchli murabbiy ekan. Ushbu mutaxassis qo'l ostida yanada o'sishga harakat qilaman", - deydi Sanjar Rihsiboev.

Jahongir Sotvoldiev suhbatlashdi