"Barselona" Neymar va otasidan "o'ch olishni" boshladi

Avvalroq braziliyalik va klub o'rtasidagi shartnomada 2017 yil 31 avgustga qadar Barselona safida qolsa, Neymar 26 million evro bonus puli olishi belgilab qo'yilgani elon qilingan edi.

Biroq, kataloniyaliklarga futbolchi Franciyaga yo'l olgani yoqmagan chog'i, kuni-kecha uchib ketgan Neymar va otasiga "pullarni tushingda ko'rasan" deb yuborishdi.

Bu borada jamoa matbuot kotibi Xosep Vives shunday dedi:

Uchta shart bor edi. Birinchidan, futbolchi 31 iyulga 3 oy va undan kamroq muddat qolgan vaqt ichida boshqa klub bilan muzokara olib bormasligi kerak edi.

Ikkinchidan, u kelishuv shartlarini bajarishga tayyorligini keng ommaga ochiq aytishi zarur edi. Va uchinchidan, 1 sentyabr kuni Neymar "Barselona" tarkibida bo'lishi shart edi.

Aynan shu bandlarni buzgani uchun klubning Neymarga hech qanday bonus puli berish niyati yo'q".

Eslatib o'tamiz, Neymar kuni-kecha PSJ klubiga 222 million evro evaziga ko'chib o'tdi.