Neymarning otasi: "Barselona" 26 mln. evrolik bonusni to'lamadi"
/ Kiritdi: BestMaster O'qilgan: 1051
PSJ hujumchisi Neymarning otasi aytgan so'zlarga ko'ra, "Barselona" shartnomada ko'rsatilgan 26 mln. evrolik bonusni to'lamagan, shu sababli katta Neymar Kataloniya klubi rahbarlaridan xafsalasi pir bo'lgan.
"O'g'lim baxtli va uning tanlovini hurmat qilishimiz kerak. Bizda hammasi haqida o'ylab olish uchun vaqt bo'ldi va bu tanlov kerakli vaqtda amalga oshirildi deb umid qilamiz. U o'z taqdirini o'zgartirmoqchi bo'ldi. Nega sizlar Neymar PSJda "Oltin to'p" olishi aniq deb o'ylayapsiz? Aksincha, "Barselona"da buni bajarish ancha oson edi.
26 mln. evro miqdoridagi bonusga keladigan bo'lsak, agar "Barselona" bu pullarni to'lamasa men hech narsa qila olmayman. Klubni shantaj qila olmayman. Hozir "Barselona"dan xafsalam pir bo'ldi. Klubdagilar o'g'limni "Barselona"da qolishga ko'ndirishimni istashgan edi, ammo rahbariyat tomonidan bo'lgan bunday munosabatdan so'ng nima deyishim kerak?
Bu band shartnomada ko'rsatib o'tilgan. U tufayli badal puli oshdi. Ammo agar o'zlari gapirayotgan gapni hurmat qilmasa, yozilganlarni ham hurmat qilmayman" - deydi futbolchining otasi.
Bosh sahifaga
287
