18 yoshida oliy liga to'purari bo'lgan Kechinov 43 yoshga to'ldi

Bolaligida "Traktor" futbol maktabida shug'ullangan Kechinov, Toshkent chempionatida eng yaxshi to'purar bo'lganidan so'ng "Paxtakor"ning maxsus sinfiga o'tkaziladi.

1992 yilda o'tkazilgan futbol bo'yicha O'zbekistonning ilk chempionatida Valeriy Kechinov "Paxtakor" sharafini himoya qildi. 18 yoshli o'smir o'sha mavsum chempionatining eng yaxshi futbolchisi va to'purariga aylandi.

Kechinov faoliyati davomida "Spartak", "Saturn-REN TV", "SHinnik" kabi klublarda to'p tepadi. U futbolchilik faoliyatini yakunlaganidan so'ng, murabbiylik kurslarida o'qiydi. 2006 yildan 2008 yilgacha Kechinov "Spartak" yoshlariga ustozlik qildi. 2008 yilda esa "Tom" bosh murabbiyi Miroslav Romashenko yordamchisi vazifasida ishlagan.

Futbolchilik faoliyati

1992 - 1993 "Paxtakor" (38 ta o'yin - 30 ta gol)

1993 - 2000 "Spartak" (112 ta o'yin - 35 ta gol)

2001 - 2002 "Saturn-REN TV" (36 ta o'yin - 13 ta gol)

2002 - 2004 "SHinnik" (42 ta o'yin - 7 ta gol)

Tug'ilgan kun muborak bo'lsin!