Vadim Abramov: "Axir qachondir yutishimiz kerak-ku"

- "Avvalo tug'ilgan kun bilan tabriklaganingiz uchun rahmat. Agar bugun g'alaba qozonsak, bu men uchun eng katta sovg'a bo'ladi. Axir qachondir yutishimiz kerak-ku", - deydi Vadim Karlenovich. 

Malumot uchun, Vadim Abramov bugun 55 yoshni qarshi oldi. Taniqli mutaxassis "Neftchi"ga bosh murabbiy bo'lganidan so'ng farg'onaliklar uning qo'l ostida uchta o'yinda maydonga tushib, hali g'alaba qozonishmadi. Jamoa o'z maydonida "Dinamo" va "Metallurg"ga imkoniyatni boy bergan bo'lsa, safarda "Mashal" bilan durang o'ynadi. 

Bundan tashqari, Kubok bahslarida har ikkala o'yinda ham "Bunyodkor"ga mag'lub bo'lib, o'z ishtirokini chorak finalda to'xtatdi. Bugun jamoa oliy liganing 16-tur uchrashuvini o'z maydonida "SHo'rtan"ga qarshi o'tkazadi. "Istiqlol" stadionida bo'lib o'tadigan bahs 19:00da boshlanadi. 

X.Xoliqov