Vadim Abramov: “Hamma ham penalti tepishni istamaydi”

– Negadir yigitlar uy o'yinlarida o'zlarini ijobiy ko'rsata olishmayapti. Afsuski, bugun kutgan natijamizga erisha olmadik. Fikrimcha, futbolchilar maxalliy muxlislar oldida masulyatni o'ta chuqur his etib, erkin harakat qila olmayaptilar. Xavfli vaziyatlar kam sodir etdik. Natija ham shunga yarasha bo'ldi.

– Muzaffar Muzaffarov penaltini aniq amalga oshira olmadi. O'sha vaziyatda unga nima etishmadi deb o'ylaysiz? Umuman vaziyatga qanday baho berasiz ?

–O'yin vaqtida penaltini hamma futbolchi ham tepishga jurat eta olmaydi. Muzaffar yosh bo'lishiga qaramay ko'p hollarda penalti tepishdek masulyatli vazifani o'z bo'yniga oladi. Biroq bugun uning omadi kelmadi. Bunday hol hammada ham bo'ladi. Bu futbol.

– Vadim Karlenovich, nega birinchi bo'limdan so'ng Mansur Saidovni zahiraga oldingiz?

– Birinchi bo'limda maydon markazida bo'shliq yuzaga keldi. Yani Saidovning o'yini qovushmadi va bahsni kuchaytira olmadi. SHu sababli uni zahiraga oldim. Balki uning yoshi ham  o'z so'zini aytayotgandir.

– Penaltini yarim himoyachi tepdi. Bu vazifa ko'proq hujumchiga tegishli emasmi ? Ayniqsa Mo'ydin Mamazulumov katta shijoat bilan turgandi.

– Yana takrorlab aytaman, penalti vaqtida hamma ham vazifani bo'yniga olmaydi. Balki muammo ham shundadir.

– Himoya chizig'ida muammolar ko'zga tashlanyapti. Negadir himoyachilar bir-birini yaxshi tushunmagandek tasavvur uyg'otdi?

– Bu fikrga to'liq qo'shilmayman. Jamoa tarkibi yangi. SHu sababli o'yin borasida kamchiliklar mavjud. O'yindan-o'yinga jamoa kuchayib boradi.

– “SHo'rtan” haqida nima deysiz?

– Xar bir jamoa raqibga qarab taktika tuzadi. Bugun biz g'uzorliklarni qarshi hujumga o'tishiga imkon bermasligimiz kerak edi. Lekin bunday bo'lmadi. To'p uzatishdagi ko'plab xatolar o'yin tizginiga salbiy tasir o'tkazdi.

“Neftchi” matbuot xizmati.