SHukurali Po'latov: “Jamoamiz ikkinchi davraga tayyor”
/ Kiritdi: BestMaster O'qilgan: 884
Ikkinchi davraning ilk uchrashuvini “Qizilqum” o'z maydonida Toshkentning “Paxtakor” jamoasi bilan o'tkazadi. Hozirda ushbu bahsga bo'lgan qiziqish juda yuqori. Navoiyliklar etakchi himoyachisi SHukurali PO'LATOV o'yin oldidan o'z fikrlari bilan o'rtoqlashdi.
-Ikkinchi davra bellashuvlariga yaxshi tayyorgarlik ko'rdik, deb o'ylayman. Toshkentdagi yig'inda asosiy etibor o'rtoqlik o'yinlariga qaratildi. Jamoaning o'yin amaliyoti kuchaytirildi. Jamoamiz ikkinchi davraga tayyor. Bugun o'z maydonimizda jiddiy raqib – “Paxtakor”ni qabul qilamiz. Muxlislarimiz uchrashuvga kelib, stadionni to'ldirib, bizni qo'llab-quvvatlab turishsa, ularni xursand qilish uchun barcha imkoniyatlarimizni ishga solamiz.
Birinchi davrada ko'p o'yinlarda, ayniqsa o'z maydonimizda keraksiz joyda ochko yo'qotdik. Nasib etsa, mavsumning ikkinchi yarmida chiroyli o'yin namoyish etib, kerakli ochkolarni jamg'aramiz.
“Qizilqum” matbuot xizmati.
Bosh sahifaga
67
