Angliya Superkubogi. "Arsenal" - "CHelsi" 0:1 LIVE (matnli translyaciya)

"Arsenal" - "CHelsi" 0:1 LIVE

Gol: Mozes 46.

"Arsenal": CHex, Xolding, Mertezaker, Monreal, Belerin, Jaka, El-Neni, Okslayd-CHemberlen, Uelbek, Lyakazett, Ivobi.

"CHelsi": Kurtua, Aspilikueta, David Luis, Keyxill, Mozes, Fabregas, Kante, Alonso, Villian, Batshuayi, Pedro.

O'yinni TAS-IX hududida tomosha qilish.

YANGILASH

1. Uchrashuv boshlandi. To'pga birinchi bo'lib ko'klar tegishdi.

4. Ilk daqiqalardan "Arsenal" tashabbusni qo'lga oldi. "To'pchilar" qanotlardan hujum uyushtirib, raqib darvozasini ishg'ol qilmoqchi.

6. Ivobi chap qanotdan jarima maydonchasiga yorib kirdi va to'pni jamoadoshlariga uzatdi, ammo to'pga teginadigan "to'pchi" topilmadi. Xavf bartaraf etildi.

Eslatib o'tamiz, London klublari ushbu uchrashuvdan tushgan pulni Kensington tumanida Grenfell binosidagi yong'inda jabrlanganlarga berishga qaror qilishdi. Ushbu yong'in 79 kishini bu dunyodan olib ketdi.

12. Aspilikueta raqibni to'xtatib qolgani uchun sariq kartochka bilan ogohlantirildi. Hali erta emasmi?

Aleksis Sanches va Mesuot Ozil uchrashuvni muxlislar orasida tomosha qilmoqda

15. Sariq kartochka navbati "Arsenal" futbolchisiga. Ektor Belerin raqibga nisbatan qo'pollik ishlatdi va ogohlantirildi.

17. O'yin tempi juda tez. Jamoalar hujumlar bilan almashishmoqda. Hozircha faqat "Arsenal" gol urishga yaqin keldi, ammo omad kulib boqmayapti.

21. ZARBA!!!! Belerin o'z qanotidan qarshi hujum boshladi, uzatmalardan so'ng to'p Lyakazettga etib bordi, u esa PSJga o'tib ketgan Neymar uslubida to'pni o'ngroq olib uzoq burchakka zarba berdi. "CHelsi"ni darvoza ustuni qutqarib qoldi. Qoyil Lyakazett!

26. Gari Keyxill ikkinchi qavatda to'p uchun kurashda Per Mertezakerning qoshini yordi. SHifokorlar jiddiy jarohat olgan nemis futbolchisiga tibbiy yordam ko'rsatishmoqda.

30. Mertezaker shifokorlar bilan maydonni tark etdi. Birinchi bo'limda "Arsenal" tarkibida o'zgarish bo'ladi.

32. O'zgarish ("Arsenal"). Jarohat olgan Per Mertezaker o'rniga Sead Kolashinac maydonga tushdi.

34. PEDROOO! Villian o'z qanotida boshlangan qarshi hujumni, boshqa qanotga o'tkazdi. Ajoyib uzatmani qabul qilgan Pedro aldamchi harakatlar bilan jarima maydonchasiga kirib bordi va chap oyog'i bilan zarba berdi. CHex ushbu zarbani qaytarib qoldi. Hisob 0:0.

Bechora Per Mertezaker

36. Villian raqib jarima maydonchasida simulyaciya ishlatdi. Hakam uni sariq kartochka bilan ogohlantirdi.

43. Ivobi maydonning yarmini bir o'zi bosib o'tdi, o'zi to'p oshirgan jamoadoshidan to'pni qaytirib olib, darvoza tomon zarba berdi. Kurtua turgan joyida to'pni ilib olishga muvaffaq bo'ldi.

Zorro uch raqibi bilan kurashmoqda

45. Birinchi bo'limga 3 daqiqa qo'shib berildi.

TANAFFUS

46. Ikkinchi bo'lim boshlandi va tezda GOOOLLLLLL!!! Ikkinchi bo'limning ilk daqiqalaridan "aristokratlar" burchak zarbasini amalga oshirishdi, himoyachilar qaytargan to'pni Keyxill yana jarima maydonchasiga tashladi, Mozes esa to'pga birinchi bo'lib etib keldi va darvozani ishg'ol qildi. 0:1

49. "Arsenal" qarshi hujumda raqibni qopqonga tushirmoqchi bo'ldi, biroq himoyachilar xavfni bartaraf etishdi.

55. Gari Keyxill va David Luis ikkinchi qavat uchun kurashda bir-biriga zarba berib yubordi. Garining ahvoli joyida, lekin David Luis o'rnidan turmayapti.