Bahrom Hakimov: "Bugungi durang g'alabaga teng bo'ldi"

"Bugun "So'g'diyona" g'alaba qozondi, bizda durang. So'nggi turda "So'g'diyona" va "Buxoro" o'zaro o'ynashadi. Biz "Olmaliq"ni qabul qilamiz. Agar g'alaba qozonsak oliy ligada qolamiz. Maqsadimiz mag'lub bo'lmaslik edi, kamida bir ochko olish edi. Yigitlarga vazifani bajargani uchun rahmat aytaman. Andijonlik muxlislar doim o'z jamoasini qo'llab turishadi. Samarqand klubini juda qiyin ahvolda qabul qilib olgandim. Tarkib so'nggi pallada yig'ilgandi. Bugun birinchi gol o'tkazdik, ammo taslim bo'lmay javob to'pini kirita oldik", - deydi "Dinamo" ustozi.

Oxirgi turda nima qilib bo'lsa ham g'alaba qozonishimiz kerak. Bugungi durang g'alabaga teng bo'ldi deya olaman. Ikkinchi davrada safimizga kelgan Kamoliddin Murzoev so'nggi kunda zayavka qilgandik. Ilhom Yunusov va Dilshod SHarofetdinov ham oxirgi daqiqalarda safimizga qo'shilishgandi. Mamatkazin va Agaliev bugun ukollar yordamida maydonga tushishdi. SHu bois ularni almashtirishga majbur bo'ldik. Bugun autsayderlar g'alaba qozondi? So'nggi turlarda pastdagi jamoalarga ko'proq ochko kerak, shunday ekan bundan hayron bo'lganim yo'q, - deydi Bahrom Hakimov.

Komiljon Ikromov