Aleksandr Xomyakov: "Mashal" hamma ham qilolmayotgan ishni bajardi"

- Natijadan ko'nglim to'ldi va bundan xursandman. Poytaxtdan ochko bilan qaytish juda zo'r natija. Ehtiroslar og'ushidaman. "Lokomotiv"ga gol Toshkentda gol urgan ikkinchi jamoamiz. Birinchi bo'lib "Nasaf" buni uddalagandi, endi esa "Mashal". Biz nafaqat gol urdik, balki bir ochko olishga ham erishdik. Jamoam bugun yaxshi o'yin ko'rsatdi. "Loko"ga qarshi hujumda o'ynashdan qo'rqmadik va bu uchun munosib tarzda taqdirlandik. Bugun yana gollar urishimiz ham mumkin.

Joriy mavsum ancha qiziqarli o'tmoqda. Bir ikkita o'yinda ochko yo'qotadigan bo'lsang, unda turnir jadvalida pastga qulaysan. Aksincha bo'lsa tepaga chiqib ketasan. CHempionat ancha qiziqarli va keskin kurashlarga boy kechmoqda. Umid qilamanki, chempionat oxiriga qadar temp shu qadar yuqori bo'ladi. Yana asosiysi, chiroyli gollar ham ko'p bo'ladi.

Bizning futbolchilar har doim ham chalqancha uslubda to'p tepishmaydi. Bazan futbolchilar o'zlariga buni ep bilishadi va bugun bu o'xshadi. Bu golda nafaqat Abdullohni ijrosini, balki Kamolovning qanotdan oshirgan ajoyib uzatmasini inobatga olish lozim.