Andrey Miklyaev: "Loko" terma jamoaga o'xshab o'ynasinmi?"
/ Kiritdi: BestMaster O'qilgan: 1095
"Lokomotiv" bosh murabbiyi Andrey Miklyaev "Mashal" bilan bo'lib o'tgan uchrashuvdan keyin matbuot anjumanida o'yin haqidagi fikrlarini bildirib o'tdi.
- Juda qiyin uchrashuv bo'ldi. Meni futbolchilarga etirozim yo'q. Biz doim himoyalanadigan jamoalarga qarshi o'ynashga ko'nikib qoldik. Bugun ham himoya qurg'onini yorib o'tishda qiynaldik. Ular juda chiroyli gol urishga muvaffaq bo'lishdi. Abdulloh Olimovning goliga besh baho. Bu gol nafaqat turning, balki butun mavsumning eng chiroyli goli bo'lishiga asosiy davogar.
Hakam bugun toza golimizni hisoblamadi. Kaxi Maxaradze qo'llarini orqaga qilib sakradi va gol urdi. Buni qanday qilib hisoblamaslik mumkin? Bugungi hakamlikdan norozimiz. Lekin bu hakamlar ustidan PFLga shikoyat yozmoqchi emasmiz. O'yinimiz hujumkor emas? Biz terma jamoaga o'xshab o'ynaylikmi? Bizga qarshi asosan barcha jamoalar himoyadan o'ynashadi. Ular uchun bu erdan ochko bilan qaytish katta natija. Masalan "Nasaf"ga qarshi o'yinda ochiq futbol bo'ldi. CHunki "Nasaf" himoyadan o'ynamaydi.
Blessingning o'yiniga hali baho berishga vaqtli. Masharipovning o'yini? Biz ham uni o'ziga kelishini kutyapmiz.
Bosh sahifaga
222
