“Volfsburg” Gollandiya terma jamoasi sobiq futbolchisi bilan shartnoma imzoladi

Bu haqda klub rasmiy sayti xabar bermoqda. Gollandiya terma jamoasining sobiq futbolchisi bilan 2 yillik shartnomaga imzo chekildi. 33 yoshli Verxag “bo'rilar” tarkibida 3-raqam ostida harakat qiladigan bo'ldi.

Verxag “Augsburg” sharafini 2010 yildan beri himoya qilib kelayotgandi. Undan avval u Gollandiyaning “Vitess”, PSV, “Den Bosx”, AGOVV klublarida to'p tepgandi. O'tgan mavsumda himoyachi Bundesligada 31 ta o'yinda maydonga tushib, 3 ta gol kiritgan.

Bundan tashqari, Paul 2013-2014 yillarda Gollandiya terma jamoasi libosida 3 ta o'yin o'tkazgan. Ana shun uchrashuvlarning biri JCH-2014 final bosqichiga to'g'ri keladi.