"Qo'qon-1912": Hamkorlik yangi pog'onaga ko'tarilmoqda

Jamoamizning titul homiysi bo'lgan kompaniya vakillari Qo'qon shahriga tashrif buyurdilar.

“EVO+” internet-provayder kompaniyasi bosh direktor o'rinbosari Aleksandr Nikolaevich Kim ,marketing bo'limi rahbari Zafar  Salmonov  hamda kompaniyaning Qo'qon shahridagi vakili Azizxon Xaliqovlar  jamoamiz vakillari bilan uchrashishni maqsad qilgan edilar. Mehmonlar bilan “Qo'qon-1912” jamoasi matbuot va marketing bo'limi boshlig'i Akramjon Mamadaliev uchrashdi. Uchrashuvda tomonlar o'zaro hamkorlikdan mamnun ekanliklarini izhor etishdi.

“EVO+” internet-provayder kompaniyasi bosh direktor o'rinbosari Aleksandr Nikolaevich Kim “Qo'qon-1912”  futbol klubi bilan hamkorlikdan har ikki tomon manfaat ko'rayotganligini , kompaniya ushbu hamkorlikni yanada rivojlantirishga tayyor ekanligini izhor qildi. Har ikki tomon vakillari hamkorlikning istiqboldagi rejalarini belgilab oldilar.

SHuningdek kompaniya vakillari “Qo'qon-1912” jamoasining muxlislar klubi sardori Ilhomjon Qunduzov bilan ham suhbatlashdilar. Ular futbol muxlislar uchun ekanligini , kompaniya muxlislar jamoasini ham qo'llab quvvatlashga tayyor ekanliklarini izhor qilishdi.

Kunning ikkinchi yarmida mehmonlar jamoamizning mashg'ulotlarini kuzatish uchun “Markaziy” stadioniga tashrif buyurdilar. Mashg'ulotlar yakunlangach “EVO” vakillari futbolchilarimiz bilan suhbatlashib , jamoaning har bir o'yinlarini kuzatib borayotganlarini hamda ko'rsatilayotgan natijalardan mamun ekanliklarini aytib o'tishdi. Mehmonlarimiz futbolchilarimizga bo'lajak uchrashuvlarda omad tilab , jamoaning sovrindorlar safidan o'rin olishiga tilak bildirdilar.

Biz ham o'z navbatida  “EVO+” internet-provayder kompaniyasiga o'zaro hamkorlik uchun jamoamiz nomidan minnatdorchilik bildiramiz . Kompaniyaning kelgusidagi faoliyatida zafarlar yor bo'lishini tilaymiz !