"Qo'qon-1912": Jamoani vaqtincha Muhsin Nizomiddinov boshqarib turadi
/ Kiritdi: BestMaster O'qilgan: 1241
Kecha “Qo'qon-1912” FKning navbatdan tashqari yig'ilishi bo'lib o'tdi. Yig'ilishda klub rahbarlari, murabbiylar va futbolchilar ishtirok etishdi.
Yig'ilishda so'zga chiqqan “Qo'qon-1912” futbol klubi vice-prezidenti, bosh direktori Baxtiyor Tolipov “So'g'diyona”dan uchralgan mag'lubiyat klub murabbiylari va futbolchilarning o'z ishiga sovuqqonlik bilan munosabatda bo'lganligi oqibatida kelib chiqqanligini aytib o'tdi. Aniqrog'i, murabbiylar shtabi futbolchilarni mazkur bahsga tayyorlay olmadilar.
Yig'ilish qaroriga ko'ra, “Qo'qon-1912” bosh murabbiyi Rustam Abdullaev egallab turgan vazifasidan ozod etildi. Jamoani vaqtinchalik shu kunga qadar o'rinbosarlar bilan ishlab kelayotgan murabbiy Muhsin Nizomiddinov boshqarib turadigan bo'ldi.
“Qo'qon-1912” futbol klubi rahbariyati Rustam Abdullaevga jamoani rivojlantirish yo'lida qilgan xizmatlari uchun minnatdorchilik bildiradi va kelgusi ishlarida omad tilaydi.
Klub matbuot xizmati
Bosh sahifaga
174
20 Yanvar 2021, 04:09