Usmon Toshev: "Muxlislarimizga rahmat"

O'yin o'zimiz o'ylagandek og'ir bo'ldi. Bu bizning ikkinchi davradagi dastlabki rasmiy o'yinimiz bo'lgani uchun ham o'ziga yarasha qiyinchiliklar bo'ldi. Lekin o'yindan-o'yinga o'yinimizni kuchaytirishga harakat qilamiz. Buni futbolchilar ham yaxshi tushunib turishibdi. Raqiblarimizni ko'ryapmiz, biz ham shunga yaraga kuchlirok tayerlanishimiz kerak. Ishonamanki, borgan sari o'yinimiz yaxshi bo'lib ketadi.

Bugun havo harorati issiq bo'lishiga qaramasdan yigitlar harakat qilishdi va biz yutdik. Eng asosiysi bugun uch ochkoni qo'lga kiritdik. Ayrim paytlarda o'yinimiz yaxshi chiqdi va yana ayrim paytlarda xatolar bo'ldi. Lekin bu u qadar jiddiy xatolar emas. SHunchaki, ayrim vaziyatlarda individual tomondan kamchiliklar bo'ldi. Bularni to'g'rilay olamiz. G'alaba qozonganimizdan xursandmiz. Bundan keyin ham nima qilishni bilamiz. Bizda tajribali o'yinchilar bor. Bemalol o'yinimizni kuchaytira olamiz. Bugun Andijondan kelib bizni qo'llab-quvvatlab turgan muxlislarimizga minnatdorchilik bildiramiz, - deydi Usmon Toshev.

"Andijon" matbuot xizmati.