Abramov sharmandali mag'lubiyatdan keyin nimalar dedi?

- O'yinni barcha ko'rdi. Nima ham derdim. Ijrochilar darajasi bu erda o'z so'zini aytgani aniq. Birinchi bo'limdagi o'yinimiz ham juda yomon darajada bo'ldi. Futbolchilar shunchaki futbol o'ynashdan qo'rqishadi.
Bugun faqatgina darvozabon ko'proq to'p uzatishlarni amalga oshirdi. U maydonda markaziy himoyachidek harakat qildi. Maydonda undan boshqa himoyachi ko'rmadim.
Bugun jamoa juda yomon o'ynadi. Mansur Saidovni nega almashtirdim? CHunki u birorta to'g'ri to'p uzatishni amalga oshira olmadi. Tajribali, etakchi futbolchi jamoadoshlarini o'z ortidan ergashtirish o'rniga ketma-ket xatolarga yo'l qo'ydi. SHu boisdan uni almashtirdim.
Farg'onalik muxlislardan ushbu sharmandali mag'lubiyat uchun uzr so'rayman.
Biz antirekordlarni qayd etishda davom etyapmiz. "Neftchi" hali o'z tarixida "Paxtakor"ga bu kabi sharmandali yutqazmagan.

"Paxtakor"da o'yin bobida katta o'zgarish ko'rmadim. O'sha-o'sha "Paxtakor". SHunchaki bugun biz juda yomon o'ynadik va bizni ustimizdan kulishlariga yo'l qo'yib berdik. "Paxtakor" hali chempionatda ko'proq ter to'kishiga to'g'ri keladi. Biz kabi kuchsiz jamoalar ularga qarshilik qilmaydi endi.