Zafar Polvonov: "Paxtakor"ga yuqori bosim o'tkazdik"

"O'yin tomoshabop, qiziqarli tarzda kechdi. Menimcha, bugungi uchrashuv stadionga kelgan muxlislarga yoqdi. Biz yaxshi o'ynadik va ko'plab vaziyatlarga ega bo'ldik. Biroq bazi vaziyatlarda omad bizlardan yuz o'girdi. SHunga qaramay "Paxtakor"ga qarshi o'yinda yaxshi natijaga erishdik. Raqib ham yaxshi o'ynadi va bizga muammolar tug'dirdi. Penalti? Bu vaqtga kelib men zaxiraga olingandim va vaziyatni ko'ra olmadim. Jamoadoshlarim penalti bo'lmaganini takidlashdi. Lekin hakamning qarori boshqacha bo'ldi. Andreev penaltidan to'pni to'g'ri darvozaga yo'llay olmadi. O'yin juda yuqori bosim ostida o'tdi. Biz "Paxtakor"ga katta bosim o'tkazdik. Ikkala jamoa ham g'alaba uchun o'ynadi. Davron Hoshimov Sarvar Jo'raevga nisbatan juda qo'pol harakat qilgani uchun o'yin so'nggida haqli ravishda maydondan chetlatildi. "SHo'rtan"ning ikkinchi davradagi muvaffaqiyatlari zamirida Muhtor Qurbonovning xizmati va butun jamoaning mehnati yotibdi deb o'ylayman. Bu mehnatlarimiz samarasi bo'lsa kerak. Keyingi o'yinlarda ham ishqibozlarni xursand etishga harakat qilamiz", - deydi Zafar Polvonov.