“Buxoro” tomoshabinlar tashrifi bo'yicha peshqadam!

Unda muxlislar bir qator qiziqarli o'yinlarga guvoh bo'ldi. Tur yakunlariga ko'ra, ishqibozlarning stadionga tashrifi borasida buxoroliklar peshqadam bo'ldi. Boisi shanba oqshomida bo'lib o'tgan “Buxoro” – “Nasaf” bahsini 13 680 nafar tomoshabin bevosita stadionda kuzatib bordi. Bu esa turning qolgan 7ta o'yini ichida eng yuqorisi bo'ldi. Etiborlisi boshqa o'yinlarda qayd etilgan muxlislar tashrifi 10 000 nafardan ham oshmagan. “Nasaf” ustidan qozonilgan g'alaba kelgusi uchrashuvlarda tomoshabinlarning stadionga tashrifini yanada oshirsa ajab emas. Yuqori o'rinlar uchun kurash olib borayotgan “Buxoro” uchun ham muxlislarning daldasi juda muhimdir. Zero, “Buxoro” muxlislar uchun o'ynaydi. Ularning qo'llab-quvvatlashini doimo his etadi. 



Tomoshabinlar tashrifi kimda qanday?

Bunyodkor (Toshkent) – Olmaliq (Olmaliq) – 1:0. 678 tomoshabin.
Metallurg (Bekobod) - Mashal (Muborak) - 0:1. 1169 tomoshabin.
So'g'diyona (Jizzax) - Lokomotiv (Toshkent) – 0:4. 3220 tomoshabin.
SHo'rtan (G'uzor) - Dinamo (Samarqand) – 1:0. 3751 tomoshabin.
Paxtakor (Toshkent) - Neftchi (Farg'ona) – 6:0. 6155 tomoshabin.
Navbahor (Namangan) - Qizilqum (Navoiy) – 3:2. 6323 tomoshabin.
Qo'qon-1912 (Qo'qon) - Obod (Toshkent) - 1:0. 5500 tomoshabin.
Buxoro (Buxoro) – Nasaf (Qarshi) – 1:0. 13680 tomoshabin.

“Buxoro” matbuot xizmati.