Rustam Mirsodiqov: "Mashal" bitta imkoniyatdan foydalandi"

- O'yinni ko'rdinglar, tinimsiz hujum uyushtirdik. Ko'plab vaziyatlar yaratdik. Afsuski, ulardan foydalanishda oqsadik. Samarqanddagi o'yinda qanotlarimiz faollik ko'rsatishgandi. Bu safar esa nimagadir aksariyat holatlarda hujumchilarimiz markazdan yorib kirishga urinaverishdi. “Mashal” esa juda tartibli himoyalandi. Ularda bitta imkoniyat bo'ldi va undan foydalanishdi. O'yin sifatidan qoniqmadik. Keyingi uchrashuvgacha futbolchilarning ruhiyati borasida ishlaymiz. Yo'l qo'yilgan xatolarni tahlil etgan holda, keyingi uchrashuvlarga tayyorgarlik ko'ramiz, deydi Rustam To'xtamurodovich.