Oliy liga. 17-tur ramziy terma jamoasi
/ Kiritdi: BestMaster O'qilgan: 878
Saytimiz xodimlari odatga ko'ra o'tgan tur ramziy terma jamoasini tuzib chiqishdi.
"Metallurg"ni Bekobodda mag'lub etish uncha muncha jamoaning qo'lidan kelavermaydi. "Mashal" kamchilikda bo'lsa ham buni amalga oshira oldi. Jamoa posboni Javohir Ilyosov mezbonlarning bir nechta zarbalarini qaytarishga erishdi. Himoyachi Iskandar SHoyqulov esa hujumlarni qaytarishda faollik ko'rsata oldi.
"Buxoro" o'z uyida bir necha yillik tanaffusdan so'ng "Nasaf"ni mag'lub etishni uddaladi. Himoyachi Vladimir Baenko qarshiliklar hujumchilariga etarli darajada qarshilik ko'rsata oldi.
"SHo'rtan" o'z maydonida "Dinamo"dan ustun kelgan bahsda jamoa himoyachisi Obid Jo'raboev anchagina mehnat qilganini takidlash lozim. "Paxtakor"ning "Neftchi" ustidan qozinlan yirik g'alabasida chap qanot himoyachisi Vladimir Kozakning xissasi katta bo'ldi.
"Qo'qon-1912" o'z uyida oliy liga autsayderi "Obod"ni mag'lub etdi. Yagona gol yarim himoyachi Javohir Sidiqov hisobiga yozildi.
Xuddi shunday vaziyat "Bunyodkor" - "Olmaliq" uchrashuvida kuzatildi. Otabek SHukurovning goli "qaldirg'ochlar"ga 3 ochko keltirdi.
Braziliyalik Tiago Bezerra "Paxtakor" safidagi ilk o'yinda "Qizilqum" darvozasiga penaltidan gol ura olmagach tanqidlar ostida qolib ketgandi. Biroq "Neftchi" bilan o'yinda u o'zini anchagina yaxshi tomonlama ko'rsatdi va ikki bor gol urishga erishdi. "Navbahor" sardori Dilshod Jabborov "Qizilqum"ga qarshi o'tgan og'ir o'yinda doimgidek faol bo'ldi hamda penaltidan to'p kiritishga ham erishdi.
"Buxoro" "Nasaf"ni mag'lub etishiga Javohir Qahramonovning goli sababchi bo'ldi. Yarim himoyachi bu o'yinda juda faol o'ynadi.
"Lokomotiv" hujumchisi Marat Bikmaev mavsumda o'zining to'rtinchi dublini "So'g'diyona" bilan bahsda qayd etdi. Uning birinchi urgan goli juda chiroyli chiqdi.
championat.asia talqiniga ko'ra 17-turning ramziy terma jamoasi
Darvozabonlar:
Javohir Ilyosov ("Mashal")
Himoyachilar:
Vladimir Baenko ("Buxoro")
Obid Jo'raboev ("SHo'rtan")
Iskandar SHoyqulov ("Mashal")
Vladimir Kozak ("Paxtakor")
Yarim himoyachilar:
Javohir Sidiqov ("Qo'qon-1912")
Otabek SHukurov ("Bunyodkor")
Tiago Bezerra ("Paxtakor")
Dilshod Jabborov ("Navbahor")
Javohir Qahramonov ("Buxoro")
Hujumchi:
Marat Bikmaev ("Lokomotiv")