“Buxoro” ertadan Toshkentda yig'iladi

“Nasaf”ga qarshi o'yindan keyin murabbiylar shtabi futbolchilarga ikki kunlik dam bergandi.

Endi jamoa vakillari ertaga Toshkentda yig'iladi va navbatdagi bahsga tayyorgarlikni boshlaydi. Eslatib o'tamiz, keyingi turdagi raqibimiz – Toshkentning “Obod” jamoasidir. Garchi “Obod” jamoasi ayni paytda musobaqa jadvalida so'nggi o'rinni egallab turgan bo'lsada, “Buxoro” raqibini xurmat qilgan xolda, o'yinga jiddiy tarzda tayyorlanishni maqsad qilgan.

Sariq kartochkalari 4taga etgani sababli “Nasaf”ga qarshi o'yinni o'tkazib yuborgan hujumchi Ivan Nagaev navbatdagi turdan yana jamoaga yordam bera boshlashi albatta quvonarlidir.   
Darvoqe, bugungi kunda “Buxoro” futbol klubida xavfsizlik xizmati bo'yicha faoliyat yuritib kelayotgan Barnoev To'ra Yodgorovich bugun 56 yoshini qarshi olmoqda.

SHu munosabat bilan “Buxoro” FK rahbariyati, murabbiylar shtabi, futbolchilar va barcha ishchi xodimlar nomidan To'ra Yodgorovichni samimiy muborakbod etib qolamiz. U kishiga uzoq umr, sihat-salomatlik hamda oilaviy baxt tilaymiz!

“Buxoro” matbuot xizmati.