“Bunyodkor” tarbiyalanuvchilari 292ta jamoa qatnashayotgan turnirni yirik g'alaba bilan boshladi

Xitoyning SHenyan shahrida dunyoning deyarli barcha qitalaridan tashrif buyurgan jami 292ta jamoa ishtirok etadigan turnirda “Bunyodkor” futbol maktabining 2002 yilda tavallud topgan tarbiyalanuvchilari ishtirok etishmoqda.

Vakillarimiz “Gothia Cup 2017” musobaqasidagi ilk uchrashuvini Pokistonning “Mehran” futbol maktabi tarbiyalanuvchilariga qarshi o'tkazishib, yirik 10:0 hisobida zafar quchishdi. Jamoamiz gollariga – Jasur Jaloliddinov (5ta), Otabek Jo'raqo'ziev (2ta), Diyorbek Raximqulov, Farruhbek Muxtorov va Ikrom Erkinov mualliflik qilishdi.

Murabbiylarimiz pokistonliklarga qarshi bahsda quyidagi futbolchilarni maydonga tushirishdi: Qodirov (Xarin), Abdurashidxo'jaev , Ubaydullaev (Azamov), Abdulbekov (Ashiraliev), Sodiqov (Bondarenko), Raximqulov, Sattorov, Bo'riev (S; SHaripov), Erkinov (Muxtorov), Jo'raqo'ziev (Mirzasalimov), Jaloliddinov

“Bunyodkor-2002” turnirning ikkinchi turida Yaponiyaning “Puebla” futbol maktabi tarbiyalanuvchilari bilan kuch sinashishadi. Bu uchrashuv 15 avgust kuni bo'lib o'tadi.

“Gothia Cup 2017” turniri haqida batafsil malumotni musobaqaning rasmiy VEB-SAHIFASI orqali olishingiz mumkin.