“Nasaf” klubi o'z muxlislarini qadrlaydi

“Nasaf” futbol klubining tashkil bo'lgandan buyon ashaddiy muxlisi bo'lgan, ellik yildan oshiq yoshlarga talim va tarbiya bergan ustoz, qishloq xo'jalik fanlari nomzodi, docent. O'zbekistonda xizmat ko'rsatgan paxta ustasi, muxlislar klubining faol azosi CHori Aslanovning muborak 75 yoshga to'lganligi stadionda o'zgacha nishonlandi. U kishiga hurmat va ehtirom uchun milliy to'nimiz kiydirildi, esdalik sovg'alari topshirildi. Stadion suhandoni u kishiga “Nasaf” PFKning tabrigini o'qib eshittirdi. “Markaziy”ga tashrif buyurgan futbol shaydolari u kishini tik turib uzoq olqishlashdi.

Bu tadbir “Nasaf” PFK muxlislar klubi tashabbusi bilan tashkil etildi.

Ustozimiz va muxlisimiz CHori Aslanov 75 yoshga to'lsada, “Nasaf”ning hoh o'z maydonidagi, hoh safardagi o'yinlarini tomosha qilishni hech qachon kanda qilmaydilar. U kishi yosh muxlislarimizni futbolga qiziqtirishda o'rnak va ularga ustozlik qilmoqdalar.

“Nasaf” PFK o'zining shunday muxlislari borligidan faxrlanadi va bunday muxlislarini doimo qadrlaydi.

Hurmatli ustozimiz va muxlisimiz CHori Aslanovning 75 yoshga to'lganligi munosbati bilan butun “Nasaf” PFK jamoasi nomidan, klubimizning ko'pmingsonli ishqibozlari nomidan samimiy tabriklaymiz! U kishiga sihat-salomatlik, uzoq umr tilab qolamiz. Klubimiz bilan doimo birga bo'lishda charchamang deb, qolamiz.

Bugun yana to'rt nafar “Nasaf” futbol klubining ashaddiy ishqibozlari Javlon Jamolov va Eldor Narzullaev, Qahramon Ro'ziqulov va Ulug'bek Amirqulovlar bu yilgi chempionatning birinchi davrasidagi “Nasaf” klubining eng faol muxlislari” sifatida etirof etildi. Ularga esdalik uchun maxsus futbolkalar topshirildi.

“Nasaf” futbol klubi doimo o'z muxlislarini ana shunday qadrlaydi.