"Lokomotiv": “Antalya Cup”dan medallar bilan

Ushbu musobaqada qatnashgan “Lokomotiv” futbol maktabining 2006 yilda tug'ilgan tarbiyalanuvchilari 1-o'rinni qo'lga kiritgan bo'lsa, 2004 yilda tavallud topgan futbolchilarimiz 3-o'ringa sazovor bo'lishdi.

Biz qo'lga kiritilgan ajoyib yutuq bilan “Lokomotiv” futbol maktabi direktori Erkin Saidovni, murabbiylar – Otabek Mansurov, Sunnat Ro'ziev, Dilshod Atamuhamedov hamda yosh futbolchilarimizni chin dildan tabriklaymiz. SHuningdek, “Lokomotiv” futbol klubi bosh homiysi – “O'zbekiston temiryo'llari” akcionerlik jamiyati rahbariyatiga ham jamoamizga ko'rsatayotgan g'amxo'rligi uchun minnatdorchilik bildiramiz.

Eslatib o'tamiz, “Loko-2004″ futbolchilari o'z guruhlarida “Fenerbahche” (Turkiya), “Buyukshehirspor” (Turkiya) va “Antalyaspor” klublariga qarshi bahs olib borgan bo'lsa, 2006 yilda tavallud topgan futbolchilarimiz “Lokomotiv-2006″ (Moskva), “Lokomotiv-2005″ (Moskva), “SHimshekspor” (Turkiya), “Antalyaspor-2005″ (Turkiya), “Antalyaspor-2006″ (Turkiya) jamoalari bilan bir guruhdan joy olishdi. O'yinlarda qayd etilgan natijalarni esa rasmiy saytimiz orqali berib bordik.

Festival yakunida odatdagidek g'olib va sovrindorlarni taqdirlash marosimi o'tkazildi. Bizni quvontirgan jihati, to'rt nafar futbolchilaimiz o'z chiziqlari bo'yicha eng yaxshilar qatoridan joy olishdi:

Eng yaxshi darvozabon – Uchqunov Muhammadsiddiq (“Loko-2006″)
Eng yaxshi himoyachi – Aymar Xazigaliev (“Loko-2006″)
Eng yaxshi himoyachi – Kozimov Bahrom (“Loko-2004″)
Eng yaxshi to'purar – Galeev Karim (“Loko-2004″)

“Loko” tarbiyalanuvchilari Turkiyadan 9 noyabr (dushanba) kuni ertalab Toshkentga qaytib kelishadi.