Namanganlik futbolchilar Nanay qishlog'ida yig'in o'tkazishmoqda (FOTO)

Futbolchilar shu kunlarda Toshkent viloyatining Nanay qishlog'ida 10 kunlik o'quv-mashg'ulot yig'inini olib borishmoqda. Kecha saytimiz vakillari shundoqqina tog' yon bag'rida joylashgan so'lim qishloqda bo'lib, yosh futbolchilarning mashg'ulot jarayonini kuzatib qaytdik. 

17 nafar futbolchi mashg'ulot olib borayotgan yig'inga taniqli murabbiy Rauf Inileev rahbarlik qilmoqda. SHerzod Jo'raev esa Namangan sport kollejining 2004 yilda tug'ilgan futbolchilariga bosh murabbiy etib tayinlangan. 

Biz kechga yaqin Nanayga kirib borganimizda bolalar to'p bilan ishlash mashqlarini boshlab yuborishgan ekan. "Bu erda 10 kun davomida mashg'ulot o'tkazamiz, - deydi jamoa bosh murabbiyi SHerzod Jo'raev. - Havo yaxshi, futbolchilar ham zo'r berib mashq qilishmoqda. Bu futbolchilarni yaqinda tanlov asosida qabul qilib oldik. Keyinchalik ulardan Namangan futboli uchun mohir o'yinchilar etishtirib berishga harakat qilamiz". 

SHuni aytish lozim, futbolchilar bu erda kuniga ikki mahaldan mashg'ulot o'tkazishyapti. Ertalabki mashg'ulot soat to'qqizda boshlansa, kechki mashg'ulotlarga soat beshdan keyin start beriladi. O'n kunlik yig'in yakuniga etganidan so'ng jamoaning Toshkentga kelib birorta jamoaga qarshi o'rtoqlik uchrashuvi o'tkazish murabbiylar rejasidan o'rin olgan. 

X.Xoliqov.