"Paxtakor": Futbolchilarimiz mavsum qahramonlari safida

Hozircha "Paxtakor" 11-chempionlik uchun yaxshi imkoniyat hosil qilgan. Oxirgi turda Toshkentda "Andijon" dog'da qoldirilsa, bunga guvoh bo'lishimiz mumkin.

Ortda qolgan 29 tur mobaynida futbolchilarimiz o'zlarini ko'rsatib kelishmoqda. Jumladan, Igor Sergeev 21 to'p kiritib, to'purarlar ro'yxatida peshqadamlardan biri va yana 3 golli pasi bilan gol+pas ro'yxatida 24 ochko bilan peshqadamlik qilmoqda.

Gol bilan tugagan pas oshirishlarini eng ko'p "Olmaliq" yarim himoyachisi SHavkat Salomov uddalagan. U 11 marta jamoadoshlari uchun shunday imkoniyat bergan. Undan keyin katta Jasur Hasanov 9 va yarim himoyachimiz SHerzod Karimov 8 martadan shunday ishni amalga oshirishgan. Stanislav Andreev hisobida gol bilan tugagan 7ta to'p oshirish mavjud. Stas 8 gol urib, gol+pas tizimida oliy ligada 5-pog'onada bormoqda. Bir necha uchrashuvlarda u chap qanot himoyachisi o'rnida harakat qilganini yoddan chiqarmaslik lozim.

Yosh yarim himoyachi Jaloliddin Masharipov maydonda ko'p vaqt o'ynamagan bo'lsa-da, foyda keltirish borasida juda yaxshi natijaga ega. U 3 gol urib, 6 bor golga sabab bo'lgan harakatlarni amalga oshirgan. SHuningdek, jamoadagi qolgan futbolchilarning ishonchli o'yinlarini ham yoddan chiqarmaslik lozim.

Jamoamiz oldida 20 noyabr kuni "Andijon" bilan o'tadigan muhim o'yin turibdi. Umid qilamizki, unda jamoamiz ijobiy natija qayd etadi va mavsumni muvaffaqiyatli yakunlaydi.