Pochettino: “Biz yaxshi natijaga loyiq edik”
/ Kiritdi: BestMaster O'qilgan: 845
“Tottenxem” ustozi Maurisio Pochettino jamoasining “CHelsi”ga (1:2) qarshi bahsidan keyin o'yin haqidagi fikrlari bilan o'rtoqlashdi.
“Men natijadan xafaman. CHunki biz bundan yaxshirog'iga loyiq edik. “CHelsi” o'zi yaratgan imkoniyatlarda o'ta samarali foydalandi. Darvozamizga yo'llangan ikkita aniq zarba gol bilan yakunlandi.
Biz raqibga nisbatan yaxshiroq o'ynadik, o'yinni nazorat qildik. Ammo imkoniyatlardan foydalanmasang, g'alaba qozona olmaysan.
O'tgan yilgi o'yin bilan solishtirganda bizda o'sishni kuzatish mumkin. Jamoam har jihatdan “CHelsi”dan ustunligini ko'rsatdi. O'yin sifati menga yoqdi.
Ikkinchi gol kiritilgan vaziyatda Loris yaxshiroq o'ynashi kerak edi. Ammo bu futbol. Muhimi jamoam ko'rsatgan o'yin. Bugun bizga omad kulib boqmadi, biz bundan ko'prog'iga loyiq edik.
Yana “Uembli”da yutqazdik? Stadioni biz uchun omadsiz ekanligi haqidagi gaplar bu shunchaki OAV xodimlarining fikri. Avval ham aytib o'tganman: gap stadionda emas”, dedi Pochettino.
Bosh sahifaga
401