Bilasizmi? Ikkinchi davrada oltita jamoa mag'lubiyatsiz davom etmoqda

Bu 24ta o'yin o'tkazildi degani. Mana shu uch tur o'yinlarini oladigan bo'lsak, oltita jamoa hali mag'lub bo'lmadi va eng ko'p ochko jamg'ardi. Bular - "Lokomotiv", "Bunyodkor", "Buxoro", "Paxtakor", "Navbahor" va "Mashal" klublari. Bu jamoalar orasida eng kam ochko yiqqan "Paxtakor" (5 ochko) bo'lib, SHota Arveladze jamoasi bir marta g'alabaga erishib, ikki bor durang o'ynadi. 

Boshqalar esa hozircha ettitadan ochko yig'ishdi. Yani, qolganlar hisobida ikkitadan g'alaba va bir durang bor. Umuman ochko yig'magan birgina "Obod" bo'lib turibdi. Uch o'yin - uch mag'lubiyat. SHuningdek, "So'g'diyona" bilan "Dinamo" bor-yo'g'i bir ochko to'plagan. "Neftchi" hisobida esa ikki ochko mavjud. 

Quyida oliy liga klublarining ikkinchi davrada qancha ochko jamg'arganini ketma-ketlikda keltirib o'tamiz. 

1. "Lokomotiv" - 7 ochko
2. "Bunyodkor" - 7
3. "Buxoro" - 7
4. "Mashal" - 7
5. "Navbahor" - 7
6. "Paxtakor" - 5
7. "Qizilqum" - 4
8. "SHo'rtan" - 4
9. "Olmaliq" - 4
10. "Nasaf" - 3
11. "Metallurg" - 3
12. "Qo'qon-1912" - 3
13. "Neftchi" - 2
14. "Dinamo" - 1
15. "So'g'diyona" - 1
16. "Obod" - 0

X.Xoliqov