Rasman: O'zbekiston – Qirg'iziston uchrashuvi yopiq tarzda o'tkaziladi, o'yin translyaciya qilinmaydi

Ushbu o'yinni tashkil etish bo'yicha o'tkazilgan muzokaralar davomida O'zbekiston va Qirg'iziston terma jamoalari o'yinchini almashtirish imkoniyatidan cheklanmagan miqdorda foydalanishga o'zaro kelishib olganligi munosabati bilan o'yin xalqaro o'rtoqlik uchrashuvi maqomiga ega bo'lmaydi.

“Futbol qoidalari”ning maydondagi o'yinchilarning soni haqidagi 3-bandiga ko'ra, milliy terma jamoalarning xalqaro o'yinlarida ko'pi bilan bir jamoadan 6 futbolchining almashtirilishiga ruxsat beriladi. 6 futbolchidan ko'p o'yinchi almashtirilgan o'yinga “nazorat uchrashuvi” maqomi beriladi va u FIFAning xalqaro taqvimida ro'yxatga qo'yilmaydi. SHu sababli, O'zbekiston va Qirg'iziston o'rtasidagi o'yin nazorat o'yini sifatida darajalanadi va FIFA reytingini hisoblashda inobatga olinmaydi.

FIFAning 2017 yil 26 iyulida tashkilotga azo federaciyalarga yuborgan 1593-raqamli cirkulyarga ko'ra, bunday nazorat uchrashuvilarining targ'iboti, o'yinga chipta sotish, o'yinni translyaciya qilishga ruxsat berilmasligi munosabati bilan O'zbekiston va Qirg'iziston o'rtasidagi nazorat o'yini translyaciya qilinmaydi.

O'zbekiston - Qirg'iziston uchrashuvi “Bunyodkor” stadionida bo'lib o'tadi.