Farg'onada FNQIZ Spartakiadasi yakunlandi
/ Kiritdi: BestMaster O'qilgan: 806
Joriy yilning 1 avgustdan 25 avgustgacha “Neftchi” sport majmuasida O'zbekiston Respublikasi mustaqilligining 26 yilligiga bag'ishlangan “Halq bilan muloqot va inson manfaatlari yili” dasturi doirasida “Yurt taraqqiyoti yo'lida birlashaylik” shiori ostida FNQIZ cexlararo zavod Spartakiadasi o'tkazildi.
Turnir yakunlariga ko'ra, umumjamoa hisobida eng ko'p vakili g'alaba qozongan 32-cex jamoasi birinchi o'rinni qo'lga kiritdi. Ikkinchi o'rinni esa 12-cex vakillari band qilishdi. Kuchli uchlikni 1-cex jamoasi yakunlab berdi.
Futbol turi bo'yicha o'tkazilgan musobaqaning finaliga 32- va 6-cex jamoalari yo'l olishdi. Hal qiluvchi o'yinda 32-cex jamoa 3:2 natijasida muvaffaqiyatga erishdi.
Ko'chma kubokni FNQIZ bosh direktori Rustamjon Sobirjonovich Abdukarimov topshirdi.
Musobaqa yakunlariga ko'ra, quyidagi nominaciyalar bo'yicha eng yaxshi sportchilar aniqlandi:
1.”Eng yaxshi darvozabon” – 18-cex jamoasi sardori Jasurbek Akbarov.
2.”Eng yaxshi o'yinchi” – 32-cex jamoasi vakili Elyorjon Yuldashev
3.”Eng yaxshi to'purar” – 7-cex jamoasi vakili Nurmuhammad Qayumov
“Neftchi” matbuot xizmati
Bosh sahifaga
854