Timur Kapadze: “Xitoyni yutsak, Janubiy Koreya bilan haqiqiy jang bo'ladi”

-  "Metallurg"ga qarshi uchrashuvda 2:1 hisobida g'alaba qozondinglar. Bekobodliklar "Lokomotiv" uchun noqulay raqib hisoblanadi. Ushbu jamoaga qarshi uchrashuv qanchalik qiyin bo'ldi?

-  To'g'ri “Metallurg”ga qarshi ham doim kurashlarga boy qiyin uchrashuv bo'lgan. G'alaba qozonish biz uchun oson bo'lmadi. Birinchi bo'lib hisobni ochganimiz biz uchun foydali bo'ldi. Raqib darvozasiga ikkinchi golni urganimizdan so'ng g'alaba qozonishimizga shubha qolmadi.

-  Bu yilgi chempionatimiz qay darajada o'tmoqda deb o'ylaysiz?

-  Bu yilgi chempionatimiz ancha qiziqarli va kurashlarga boy tarzda o'tmoqda. Boshlanishidan “Dinamo” keyin “Qo'qon-2912” hozir esa “Buxoro” klubi bizni taqib qilib kelmoqda. Bizga qaraganda qolgan jamoalarda ochkolar farqi unchalik katta emas. Bu esa chempionatda qizg'in kurash bo'layotganining isboti.

-  Oldimizda turgan Xitoy terma jamoasiga qarshi uchrashuv oldidan qanday fikr bildirasiz? Biz Marchello Lippi boshqarayotgan terma jamoani mag'lub eta olamizmi?

-  To'g'ri, milliy terma jamoamizni ikkita muhim o'yinlar kutmoqda. Meni fikrimcha hozirda eng muhimi bu Xitoy terma jamoasi. CHunki mehmonda g'alaba qozonsak bizni 5 sentyabr kuni haqiqiy jang kutadi. SHu jumladan hozir hamma kuchni va bor etiborni Xitoy bilan bo'ladigan o'yinga qaratish zarur. Xitoy terma jamoasini Toshkentda mag'lub etganmiz, terma jamoamiz ulardan har taraflama ustun ekanligini ko'rdik. Lekin hozirgi kunda Xitoy terma jamoasi yangi murabbiy qo'l ostida bizga qarshi qanday o'yin ko'rsatishini hech kim oldindan aytib bera olmaydi. O'zbekiston terma jamoasi faqat g'alaba haqida o'ylashi kerak va safardan 3 ochko bilan qaytish kerak. O'z uyimizda esa Janubiy Koreya bilan bo'ladigan uchrashuvda muxlislarimizning qo'llab-quvvatlashi bilan koreyaliklarni mag'lub etamiz. CHunki men futbolchilarimizga ishonaman. Ularni har doim qo'llab-quvvatlashimiz kerak. Terma jamoamizga oldinda turgan ikkin o'yinda omad tilayman. 

Jahongir Sotvoldiev suhbatlashdi