"Buxoro" yangi avtobusga ega bo'ldi FOTO

Jamoa eng avvalo chempionatdagi natijalarini yaxshilash, egallab turgan o'rnini yanada ijobiy ko'rinishga keltirish va eng asosiysi ashaddiy ishqibozlarini xursand qilishni o'z oldiga asosiy maqsadlardan bir sifatida qo'ygan. SHuningdek "Buxoro" asta-sekin o'z infratuzilmasini ham yaxshilab borish va xalqaro maydonlarda ishtirok etish uchun har jihatdan tayyorlanib borishga ham etibor qaratmoqda. Xabaringiz bor, bu yil "Buxoro" deyarli yangitdan tashkil etilgan tarkib bilan chempionatni boshlagandi. Ammo qayd etilayotgan natijalar sira yomon emas. Murabbiylar shtabi qo'l ostidagi futbolchilar bilan astoydil ishlab, ularni har bir uchrashuvga faqat va faqat g'alaba uchun undamoqda. Albatta ijobiy natijalar zamirida so'zsiz rahbariyatning hissasi beqiyos ekanligini alohida takidlash lozim. Zero, bugungi kunda hech bir jamoa, klub mutasaddilari tomonidan qo'llab-quvvatlashlarsiz biror-bir ijobiy natija qayd eta olmasligi ayni haqiqatdir. "Buxoro"ning ayni paytdagi egallab turgan o'rni (2-o'rin) va umuman chempionat va mamlakat Kubogidagi mazmunli ishtiroki tabiiyki klub rahbariyatini ham quvontirmoqda va ular ham bunga javoban yaqinda klubga yangi zamonaviy va barcha qulayliklarga ega bo'lgan "MAN" rusumli avtobusni harid qilib, munosib tarzda yigitlarning kayfiyatini yanada ko'tardi deyish mumkin.
Albatta klubga yangi avtobus taqdim etilgani jamoaning har bir azosini yanada to'lqinlantirdi va muhim bahslar oldidan qo'shimcha quch bag'ishladi.
Endilikda "Buxoro" biroz eskirgan "Mercedes" rusumli avstobusidan emas balki "MAN" rusumidagi yangi avtobusidan foydalanmoqda.










"Buxoro" matbuot xizmati.