Mirjalol Qosimov: “Bir-biriga o'xshamagan taymlar bo'ldi”

- Menimcha, o'yin ikki xil taymdan iborat bo'ldi. Birinchi bo'limda yaqqol ustunlikka ega bo'ldik va raqib darvozasi oldida ko'plab vaziyatlar yaratdik. Biroq ularni samarali yakunlay olmadik. Ikkinchi bo'limda esa ochiq futbol ketdi. “Obod”da ham yaxshi vaziyatlar bo'ldi. Durang natija ham bo'lishi mumkin edi. Biroq o'yin oxirlarida yigitlarimiz yana o'zlariga kelishdi va ikkinchi golni urishdi. Har qanday raqib bo'lmasin, “Bunyodkor” faqat oldinga o'ynaydi va hujumkor futbol ko'rsatadi, - deydi Mirjalol Qosimov.