Odil Ahmedov Namangan sport kolleji tarbiyalanuvchilari bilan uchrashdi (foto+video)

10 kun davomida yig'in o'tkazgan 2005 yilda tavallud topgan futbolchilar, ketish oldidan poytaxtning 2005 yilda tavallud topgan IBO'SM jamoasi bilan bahs olib bordilar. Ana shu uchrashuvni tomosha qilish va bolalarga kerakli maslahatlarni berish uchun Odil Ahmedov stadionga tashrif buyurdi.

Futbolchilar bilan uchrashar ekan, MTJ sardori shunday dedi:

- Sizlar vodiy bo'ylab saralab olindingiz. Men va viloyat hokimligi barchangizga yaxshi sharoit yaratib beramiz, Sizlardan talab qilinadigan yagona jihat, bu tinmay mehnat qilish. Eng muhimi esa tartibga rioya qilish. Vaqtida turib, vaqtida dam olish sportchi uchun juda ham muhim. Bizning yoshligimizda bunday bo'lmagan, hozir imkoniyatingiz kengayib borayapti, ota-onaningiz uchun, Vataningiz uchun mehnat qiling, shunda safimizdan o'rin olasizlar.

Rauf Inileev bolalar oldiga chiqar ekan, bu loyiha jiddiy bo'lmaganida Odilni o'zi shahsan kelmasligi, munosabat jiddiy-ki, uni o'zi Sizlarni oldingizga tashrif buyurib kerakli maslahat berayotganini takidlab o'tar ekan, aynan uning qo'lida Ahmedovni MTJda debyut qilganini yodga olib o'tdi.

"Men uni qanday qiyinchilikni bosib o'tganini bilaman, mana bugun o'zi Sizlardan xabar olgani keldi. Bu katta narsa. SHuning uchun birgalikda mehnat qilgan holda barchaning ishonchini oqlashlaringiz kerak bo'ladi", - deydi Rauf Talgatovich.

Endigi rejaga ko'ra, Namangan sport kolleji bilan hamkorlikda ochilayotgan "Odil Ahmedov akademiyasi" tarbiyalanuvchilari kuz oyidan boshlab yangi mavsumni davom ettiradilar. Oktyabr oyidan jamoa Evropa metodikasi asosida o'z ishini yuritishni boshlaydi.

Dekabr oyining boshida esa Ahmedov Namanganda bolalar bilan birgalikda mashg'ulotlarda ishtirok etishini malum qildi.

TAS-IX

http://mytube.uz/tracks/566431.htm

TAS-IX emas