Rustam Mirsodiqov: "SHo'rtan"ga keyingi o'yinlarda muvaffaqiyat yor bo'lishini tilayman"

Rustam Mirsodiqov, “Metallurg” FK bosh murabbiyi: - Uchrashuvni ko'rdinglar, ikkala jamoa ham bugun mazmunli, hujumkor futbol namoyish etishdi. Ammo biz omadliroq chiqdik. Standart vaziyatlar ustida ko'p ishlaganligimiz qo'l keldi. O'zi “SHo'rtan”ga qarshi doimo yaxshi natijalar ko'rsatib kelganmiz. SHunaqa bo'ladiku, qaysidir jamoa sizga noqulay, siz esa qaysidir klubga noqulay raqib bo'lasiz.

To'g'risini aytsam bugun “SHo'rtan”ning ikki hujumchi bilan o'ynashini kutgandim va bu taktikaga qarshi ham tayyorgarlik ko'rgandik. Ularning o'yin boshidan bizning jamoa singari bir nafar hujumchi bilan maydonga chiqqanligi bizga qo'l keldi. Bugun juda muhim g'alabani saqlab qolgan yigitlarimizga rahmat aytmoqchiman. Bayram arafasida muxlislarimizga ajoyib tuhfa bo'ldi, deb o'ylayman. “SHo'rtan”ga esa keyingi o'yinlarda muvaffaqiyat yor bo'lishini tilayman, deydi Rustam To'xtamurodovich.