“Seltik” “Manchester Siti” vingerini ijaraga oldi

SHotlandiya chempioni “Seltik” Angliyaning “Manchester Siti” klubi vingeri Patrik Robertsni yana ijaraga oldi, deb xabar bermoqda shotland jamoasi rasmiy sayti.

Robertsni ijara asosida o'z safida ko'rish istagini “Xaddersfild” va “Nicca” jamoalari ham bildirishgan edi. Lekin angliyalik 20 yoshli futbolchi yakunda “Seltik” variantini tanladi.

Patrik so'nggi bir yarim yilni aynan “Seltik” safida ijara asosida o'tkazgan edi. Roberts bu jamoa libosida 60 ta uchrashuvda maydonga tushib, 17 ta gol kiritgan va 14 ta golli uzatmaga mualliflik qilgan edi.