“Surxon” o'z safiga ukrainalik legionerni qo'shib oldi

Xususan Sergey Kovshov jamoasiga “Mashal”ning sobiq o'yinchisiga aylangan Vladislav Pavlenko ko'chib o'tdi. Ukrainalik 23 yoshli futbolchi endilikda faoliyatini birinchi ligada o'tkazadigan bo'ldi. Malumot uchun, Pavlenko o'tkan yili yurtimizda faoliyatini dastlab Namanganning “Navbahor” jamoasida boshlagandi. So'ngra 2016 yilning yoz oyida u muborakliklarning taklifini qabul qilgan. Ammo Pavlenko bu yilgi mavsumda o'ziga bildirilgan ishonchni oqladi deb bo'lmaydi. Sababi markaziy yarim himoyachi birinchi davrani asosan zaxirada yoki o'rinbosarlar safida o'tkazish bilan cheklandi. Statistika shuni ko'rsatib turibdiki, Pavlenko birinchi davrada “Mashal”ning asosiy tarkibida chempionat doirasida jami 5ta o'yin (153 daqiqa) o'tkazdi. Aytishlaricha yaqinda tomonlar o'zaro kelishgan xolda, o'rtadagi bitimni bekor qilgan. Ko'ramiz, ukrainalik legionerning jamoa almashtirishi qanchalik omadli chiqarkin.