Son Xyon Min: "Janubiy Koreya qahramoni bo'lishni istayman"
/ Kiritdi: BestMaster O'qilgan: 1048
Janubiy Koreya terma jamoasi etakchisi, Angliyaning “Tottenxem” klubi futbolchisi Son Xyon Min Eron va O'zbekiston terma jamoalariga qarshi JCH–2018 saralash o'yinlari oldidan OFK rasmiy saytiga intervyu berdi.
“Eron terma jamoasi saralash bosqichida kuchli o'ynadi, ammo bo'lajak bellashuv biz uchun juda muhim. O'z uyimizda so'nggi uchrashuvni o'tkazamiz va JCHga chiqish uchun yordam beruvchi 3 ochkoga ega bo'lish uchun harakat qilamiz. Raqiblarni hurmat qilamiz, ammo faqat g'alaba uchun maydonga tushamiz. o'yin oson kechmasligi aniq, chunki Eron saralashning so'nggi bosqichida biror marta ham gol o'tkazmadi”, – dedi Son Xyon Min.
2010 yili 18 yoshida Janubiy Koreya termasida debyutini o'tkazgan yarim himoyachi mamlakat qahramoni bo'lishni istayotganini malum qildi.
“Atigi ikkita o'yin qoldi va har ikkisida imkoni boricha maksimal ochko olishimiz lozim. Men Janubiy Koreya qahramoni bo'lmoqchiman, bu mening orzuim. Suriya va Xitoyga qarshi safar o'yinlarida maydonga tusha olmagandim. Nima uchundir biz safarda o'z uyimizdagi kabi o'yinlarni namoyish eta olmaymiz, o'zimizga bo'lgan ishonch yo'qoladi va bu muammodir. Lekin men futbol o'ynaganimda jamoadoshlarimga yordam bera oladigan, o'yinni o'zgartira oladigan – Janubiy Koreya qahranomi bo'lmoqchiman. Kelajak sari katta qadam tashlay olishimizga umid qilaman”, – deya fikrini yakunladi koreyalik futbolchi.
Bosh sahifaga
220
