Aleksandr Lobanov: "Jahon chempionatiga chiqishimizga 100 foiz ishonayapman"

- Jahon CHempionatiga chiqishimizga siz qay daraja ishonayapsiz?

- Jahon CHempionatiga chiqa olishimizga men 100 foiz ishonayapman! Ishonch bo'lmasa, ming tayyorgarlikdan hech qanday naf yo'q. SHu bois, barchamiz o'zimizga ishonib, maqsad sari olg'a intilishda davom etamiz. Muxlislarga aytar so'zim, ular ham Jahon CHempionatiga chiqishimizga ishonishsin, bizni hayotda ham, internetdagi ijtimoiy tarmoqlarda ham qo'llab-quvvatlashsin. Biz bir jamoa bo'lsak, albatta niyatimizga etishamiz.

- Xitoy va Janubiy Koreyaga qarshi o'yinlarda maydonga tushishga ulgurgansiz. Ularning ustunligi nimada deb o'ylaysiz?

- Har ikki raqibimiz ham juda jiddiy raqiblar sirasiga kiradi. To'g'ri, Xitoyni Toshkentda nisbatan osonlik bilan mag'lub etgan bo'lsakda, ular o'z uylarida har qanday raqibga qarshi jiddiy kurash olib boradi. Bu jamoaning kuchi texnik yoki taktik futbolda bo'lmasada, xitoyliklarning kuchi o'z vatani shani uchun maydonda jang qila olishida. Ular ham g'alaba uchun bor kuchlarini sarf etishlari aniq. Janubiy Koreyaning qanday kuchga ega ekanligini esa barcha yaxshi bo'ladi. Xulosa qilib aytadigan bo'lsam, oldimizdagi ikki o'yin Jahon CHempionati yo'llanmasini taqdim etar ekan, Xitoy bo'ladimi, Koreya bo'ladimi yoki olaylik Ispaniya yo Argentina bo'ladimi, biz har qanday holatda ham 200 foiz kuch bilan tayyorgarlik ko'rib, g'alaba bilan azaliy orzuimizga etishishimiz shart! Bu ikki o'yin biz futbolchilar uchun ham faoliyatimizdagi eng muhim o'yinlar bo'ladi.

Usmon IBODOV suhbatlashdi.