Igor Sergeev: "Odatdagidek bo'lajak uchrashuvlarga jiddiy tayyorgarlik ko'ryapmiz"

2015-11-09 00:50:01 / Kiritdi: BestMaster O'qilgan: 1529

Jahon chempionati saralash bosqichi doirasidagi KXDR va Yaman terma jamoalariga qarshi o'yinlarga tayyorgarlik ko'rayotgan O'zbekiston terma jamoasi hujumchisi bo'lajak o'yinlar oldidan o'z fikrlari bilan o'rtoqlashdi.

"Katta kuch bilan muhim o'yinga tayyorgarlik ko'ryapmiz. KXDRni sinchiklab o'rganmoqdamiz. Umuman olganda har doimgidek hozirlik ko'rmoqdamiz. Barchamizda kayfiyat yaxshi. KXDRni kuchsiz raqib demagan bo'lardim. Jahon chempionati saralash bosqichida Yaman terma jamoasi ham oddiy raqib hisoblanmaydi. KXDR? Ha, avvalgi ikkita uchrashuvda KXDR darvozasini nishonga olishga erishgandim. Bu safar ham gol kiritishga harakat qilaman. KXDR jamoasi o'ziga yarasha kuchli hisoblanadi. Ularning futbolchilar robotlardek 90 daqiqami yoki 120 daqiqami tinmay harakat qilishadi. Xudo xohlasa KXDR ustidan g'alaba qozonib muxlislarimizni xursand qilamiz", - deydi Igor Sergeev.

SHahboz Beg'amov suhbatlashdi.

Teglar: sergeev, odatdagidek, bolajak, uchrashuvlarga, jiddiy, tayyorgarlik, koryapmiz,
← Oldinga Orqaga →