Davron Hoshimov: "Maydonga kim tushishi muhim emas, asosiysi - g'alaba"
/ Kiritdi: BestMaster O'qilgan: 1436
Jahon chempionati saralash bosqichi doirasidagi KXDR va Yaman terma jamoalariga qarshi o'yinlarga tayyorgarlik ko'rayotgan O'zbekiston terma jamoasi himoyachisi Davron Hoshimov bo'lajak o'yinlar oldidan o'z fikrlarini bildirib o'tdi.
"Tayyorgarliklar juda yaxshi, ko'tarinki ruhda o'tmoqda. Bizni oldinda juda muhim o'yinlar kutib turibdi. Xudo xohlasa KXDR ustidan g'alaba qozonib, jadvalda ulardan uzib ketishimiz lozim. KXDR bilan bo'lgan dastlabki o'yindagi mag'lubiyatdan to'g'ri xulosa chiqargan holda bu o'yinga jiddiy tayyorgarlik ko'ryapmiz. KXDR standart vaziyatlarida juda xavfli raqib. Har bir standart vaziyatlari bo'yicha alohida shug'ullanmoqdamiz. Raqibni jiddiy o'rganilmoqda. Barchamizning maqsad va vazifamiz muxlislarimizni xushnud etish. Biz bitta jamoamiz. Maydonda kim tushishidan qatiy nazar g'alaba qozonsak bo'lgani. Meni joyimda Islom To'xtaxo'jaev o'ynamoqda. To'xtaxo'jaev pozicion jihatdan juda kuchli himoyachi sanaladi. Islom himoyada yuksak darajada harakat qiladi. SHu boisdan murabbiylarimiz unga ishonch bildirishmoqda. Muhimi g'alaba va uch ochko. 12 noyabr kuni hujumkor futbol namoyish etamiz", - deydi Davron Hoshimov.
SHahboz Beg'amov suhbatlashdi.
Bosh sahifaga
225
