Ayollar futboli. "Neftchi" "Navbahor"ni mag'lub etdi
/ Kiritdi: BestMaster O'qilgan: 976
Ayollar futboli bo'yicha O'zbekiston Kubogi bahslarida muvaffaqiyatli odimlayotgan “Neftchi” vakillari “Navbahor” to'sig'idan o'tib, chorak finalga yo'llanmani qo'lga kiritishdi.
“Neftchi-W” jamoasi nimchorakning ilk bahsini safarda, “Navbahor”ga qarshi olib borishdi va 5:0 natijasida g'alabaga erishishdi. Bahsda “Neftchi”dan Adiba Omonova ikki marta penaltini aniq amalga oshirdi. SHuningdek SHaxnoza Karimov, Xilola Obidjonova hamda Zarxumor Nematovalar bittadan gol kiritishga erishishdi.
Bugun esa Qirgulidagi “Neftchi” SK stadionda mazkur bahsning javob uchrashuvi o'tkazildi. Qizg'in kechgan raqobat gollarga boy o'tmagan bo'lsada, vakillarimizning zafari bilan xotima topdi. 1:0. Uchrashuvdagi yagona golga Zarxumor Nematova mualliflik qildi.
“Neftchi-W” jamoasining O'zbekiston Kubogi chorak finalidagi raqibi 4 sentyabr kungi qura tashlash marosimidan so'ng malum bo'ladi. Vakillarimizga navbatdagi bosqichda ham omad tilab qolamiz!
“Neftchi” matbuot xizmati
Bosh sahifaga
726