Muxlislar uchun tanlov: “Lokomotiv” avtobusi qanday ko'rinishda bo'lishi kerak?
/ Kiritdi: BestMaster O'qilgan: 1476
“Lokomotiv” futbol klubi muxlislar o'rtasida tanlov elon qiladi. Mana, bu yilgi mavsum ham o'z nihoyasiga etib bormoqda. Yana bitta turdan so'ng navbatdagi milliy chempionat bahslariga ham yakun yasaladi.
“Lokomotiv” futbol klubi hozirgi kunda keyingi mavsum uchun bir qator rejalar ishlab chiqish bilan band. SHulardan biri jamoamiz avtobusini yangicha ko'rinishga keltirish hisoblanadi. Buning uchun esa “Loko”ga befarq bo'lmagan muxlislar o'rtasida tanlov o'tkazamiz. Xo'sh, sizningcha “Lokomotiv”ning “Mersedes” rusumli avtobusi keyingi mavsumda qanday ko'rinishda bo'lgani maqul? Agar oramizda dizaynga, yangicha ko'rinishlarga va chet el klublarining avtobuslari qanday bezatilganiga qiziqadiganlar bo'lsa, biz o'tkazadigan tanlovda ishtirok etib o'z chizmalarini yuborishlari mumkin.
Eslatma o'rnida shuni aytishimiz mumkin, jamoa avtobusining yangicha dizaynida avvalo “Lokomotiv” futbol klubining bosh homiysi – “O'zbekiston temiryo'llari” akcionerlik jamiyati ramzi hamda klub logotipi tushirilgan bo'lishi shart. SHuningdek, dizayn ishlab chiqayotganda qizil, yashil va oq ranglardan foydalanish tavsiya etiladi.
Bu boradagi o'z chizmalaringizni [email protected] elektron pochtamizga yuborishingiz mumkin.
Bosh sahifaga
85