Karlush Keyrush: "Eronlik futbolchilarga mukofot puli vada qilinmagan"

Portugaliyalik murabbiy OFK rasmiy saytiga intervyu berar ekan, shunday dedi: 

- "O'yin juda qiyin o'tdi. Buni katta o'yin deyish mumkinmi bilmadim-u, lekin keskin jang kechdi. Biz mag'lubiyatsiz seriya davom etgani haqida o'ylayotganimiz yo'q, shunchaki o'yindan o'yinga yaxshi harakat qilishni xohlaymiz. Biz Koreyaga qarshi ham himoyada, ham hujumda bir tekis o'yin ko'rsatdik". 

Eron terma jamoasi portugaliyalik murabbiy qo'l ostida so'nggi olti yarim yilda katta o'zgarishlarga erishdi. Terma jamoa hatto FIFA reytingida Osiyo jamoalari orasida birinchi o'ringa ko'tarilib oldi. Eron garchi muddatdan avval jahon chempionatiga chiqqan bo'lsa-da, Keyrush buning uchun futbolchilarga hali hech nima berilmaganini malum qildi: 

- "Eronda futbolchilar tarix uchun kurashishyapti. Ular o'z darajalarini butun olamga tanitmoqchi. Dunyo etibori biz qayd etayotgan natijalarga ozgina bo'lsa ham qaratilsa bundan mamnun bo'lardim. Eronlik futbolchilarga hech qanaqa mukofot puli vada qilinmagan. Ular shusiz ham zo'r o'ynashmoqda. Men bunday futbolchilarni kam ko'rganman".