"Obod": O'rinbosarlar yutqazdi, bugun asosiy tarkib o'ynaydi

Kecha Vohid Xolboev murabbiyligidagi o'rinbosarlarimiz "Jar" stadionining mashg'ulot maydonida "Paxtakor" yoshlar tarkibiga qarshi maydonga chiqdi. Bellashuvning birinchi bo'limi ancha qiziqarli kechdi. Bosh murabbiy Vohid Xolboev dastlabki daqiqalarda o'rinbosarlarning asosiy tarkibiga imkoniyat berdi. Hujumkor ruhda o'tgan bo'lim 1:1 hisobida yakunlandi.

Tanaffusdan so'ng tarkib deyarli yangilandi. O'z-o'zidan bu jamoaning o'yiniga tasir qildi. Natijada ikkinchi bo'lim yosh "sherlar"ning yaqqol ustunligida o'tdi va hisobga mos ravishda 4:1 ko'rinishini oldi.

Bugun "Jar" stadionining asosiy maydonida har ikkala klubning asosiy tarkiblari o'zaro nazorat bahsida maydonga tushadi. O'yin 18:00da start oladi.

Nazorat uchrashuvi
PAXTAKOR (o'rinbosarlar) - OBOD (o'rinbosarlar) - 4:1 (1:1)
2 sentyabr. Toshkent. "Jar" maydoni.
Bosh hakam: Dmitriy Klepikov.
"Obod": Ubaydulla Inoyatullaev (Islombek Yusufjonov; Mirsodiq Mahamatov), Farhod Mirahmatov (Artur SHapran), Muhammad Komilov (Farhod Mahamadjonov), Islom Ismoilov (SHerdor To'xtasinov), Ibrohim Abdullaev (Abbos Saidkarimov), Abbos Isroilov (Hojiakbar Ahmadjonov), Dilmurod Jo'raboev, Jahongir Omonov (Jahongir Sakiev), Doniyor Yoqubjonov, Otabek Pardaboev (Ismoil Jasurxo'ja), Mirjahon Mirahmadov (Kamron Do'stmuhamedov).
Gollar: Farhod Mirahmatov - Sobit Sindarov, Behruz Sadullaev, Asad Sobirjonov, Mahmud Qudratullaev.