O'zbekiston - KXDR. Markaziy sektor chiptalari 25 000 so'mdan sotilyapti
/ Kiritdi: BestMaster O'qilgan: 1356
O'zbekiston - KXDR terma jamoalari o'rtasida bo'lib o'tadigan o'yin uchun chiqarilgan chiptalar narxi elon qilingan edi.
Unga ko'ra, barcha sektorlarning narxlari 15 000 so'm qilib belgilangan. Ammo muxlislardan tezroq harakat qila oladigan chayqovchilar chipta chiqqan kunni o'zidayoq markaziy sektorlarni o'zlashtirdilar va hozirda 25-30 000 so'mdan kassa oldidagi "chiptachilar" tomonidan bemalol sotilyapti.
SIP deb ataluvchi sektor narxlari esa 50 000 so'mdan oshgan. Rasmiy kassalarda asosan darvoza atrofi va chekka sektorlar uchun chiptalar o'z narxida sotilyapti.
Eng qizig'i shundaki, chiptalar sotilmay qolsa, olib sotarlar uni rasmiy kassalarga qaytarib berishadi va sotib olgan summalarini qaytib olishadi.
Ajab emaski, ushbu xabardan so'ng chiptalarning narxi o'z joyiga kelib qolsa. Boisi aynan chayqovchilarni deb muxlislar kassalardan quruq qaytishga majbur bo'lyaptilar. Bundan muhim o'yinda stadiondagi muxlislar o'n ikkinchi raqam ekanliklarini isbotlashlari uchun esa chiptalarni o'z narxlarida sotishlari lozim bo'ladi.
Bosh sahifaga
185