Saudiyalik muxlislar Yaponiya bilan bo'ladigan o'yinga bepul kirishlari mumkin

CHunki bu jamoa ham jahon chempionatiga chiqish uchun harakat qilmoqda va oxirgi bahsni o'z maydonida mundial yo'llanmasini o'tgan turda hal qilgan Yaponiyaga qarshi o'tkazadi. 

"fourfourtwoarabia.com" saytida yozilishicha, Saudiya Arabistoni shahzodasi Muhammad bin Salman barcha chipta xarajatlarini o'zi qoplaydigan bo'ldi va endilikda mahalliy ishgqibozlar Saudiya - Yaponiya bahsiga bepul kirishlari mumkin. 

Mazkur uchrashuv ertaga Jidda shahridagi "Qirol Abdulloh" stadionida bo'lib o'tadi. O'yin saudiyaliklar uchun nihoyatda muhim ahamiyat kasb etadi. CHunki faqat g'alabagina ularni jahon chempionatiga olib chiqishi mumkin. Lekin o'z navbatida Avstraliya - Tailand bahsida qayd etiladigan natija ham muhim. 

Turnir jadvalida Saudiya termasi Avstraliya bilan birga 16 ochko to'plagan. Faqat to'plar nisbatiga ko'ra arablar ikkinchi o'rinda borishmoqda. 

Saudiya Arabistoni terma jamoasi so'nggi bor 2006 yilgi mundialda ishtirok etgandi. Mamlakat shahzodasi Yaponiyaga qarshi kechadigan bahsda stadion to'lishini va muxlislar tinmay qo'llab turishini xohlamoqda, shu bois barcha chiptalar xarajatini o'z yonidan to'lashga qaror qildi.