JCH-2018 saralashi. Janubiy Amerika jamoasi pley-offda Yangi Zelandiya bilan o'ynaydi
/ Kiritdi: BestMaster O'qilgan: 1111
Bugun Okeaniya mintaqasida JCH-2018 saralashi doirasidagi so'nggi o'yin bo'lib o'tdi.
Yangi Zelandiya terma jamoasi Solomon orollari bilan javob bahsini o'tkazdi. Ilk uchrashuvda o'z uyida 6:1 hisobida g'alaba qozongan Yangi Zelandiya bugun safarda 2:2 hisobida durang qayd etib qitalararo pley-offda ishtirok etish huquqini qo'lga kiritdi.
Okeaniya vakili Jahon chempioniga chiqish uchun Janubiy Amerika qitasi saralashida beshinchi o'rinni olgan jamoa bilan kurash olib boradi.
Ayni paytda beshinchi o'rinda Argentina terma jamoasi bormoqda. Ushbu qitada saralash bahslari tugashiga 3ta tur qoldi.
Qitalararo pley-off uchrashuvining birinchisi Yangi Zelandiyada 6 noyabr kuni bo'lib o'tadi. Javob uchrashuvi 14 noyabrda tashkil etiladi.
Malumot uchun, Osiyo qitasi pley-offida g'olib bo'lgan jamoa esa KONKAKAF mintaqasida to'rtinchi bo'lgan jamoa bilan to'qnash keladi.
Bosh sahifaga
647