Javohir Ilyosov - avgust oyining eng yaxshi futbolchisi

Eng yaxshi futbolchi bo'lish uchun ham bir qator nomzodlar bor edi. Jumladan Marat Bikmaev ("Lokomotiv"), Suhrob Sultonov ("Bunyodkor"), Otabek SHukurov ("Bunyodkor"), Ro'zimboy Ahmedov ("Navbahor") kabi futbolchilar avgustda yaxshi o'yin ko'rsatishdi.

Ammo saytimiz xodimlari "Mashal" klubi posboni Javohir Ilyosovni eng yaxshi deb topishga qaror qilishdi. Yosh posbon bir qator o'yinlarda o'z jamoasi joniga oro kirib kelmoqda. Avgust oyida  "Mashal" 3ta o'yin o'tkazib 2ta g'alaba va 1ta durangga erishdi. Muborak klubi dastlab Toshkentda amaldagi chempion "Lokomotiv"ni sal qolsa mag'lub etib qo'yay dedi - 1:1. O'sha uchrashuvni barcha Ilyosovning mahoratiga yana bir karra guvohi bo'ldi. Keyin Bekobodda "Metallurg" taslim qilindi (1:0). Nihoyat oyning oxirgi o'yinida "SHo'rtan" ustidan yirik g'alaba qo'lga kiritildi - 4:0. Qisqa qilib aytganda Ilyosov o'tgan oyda juda ajoyib o'yinlar ko'rsatib jamoasining g'alabalariga munosib xissa qo'shdi.